Laxá í Aðaldal er ekki bara mjög góð laxveiðiá, heldur geymir hún einn sterkasta urriðastofn landsins. Fyrir neðan virkjun, efst og ofarlega í Aðaldalnum, má finna nokkur af albestu urriðasvæðum landsins. Hundruðir fiska veiðast á flestum þessara svæða á hverju sumri. Meðalstærð urriðans eru á milli 2-3 pund en á hverju sumri veiðast fiskar nærri 10 pundum og margir á bilinu 4-6 pund. Að auki veiðast samtals nokkrir tugir laxa á þessum svæðum á hverju sumri.

Hér á vefnum  má nú finna veiðileyfi á efstu svæðin, Presthvamm á austurbakkanum og Staðartorfu á vesturbakkanum og síðan einnig Syðra Fjall. Öll þessi svæði eru frábær urriðasvæði.

Hér að neðan má finna veiðileyfi í Laxá í Aðaldal, Presthvammssvæðið.

Tímabil: 20/5 – 20/9

Fjöldi stanga: 2 stangir, stök stöng seld. 1 dagur í senn.

Agn: fluga

Veiðireglur: Sleppa þarf öllum laxi en 2 fiska kvóti er á urriða á stöng á vakt. Veiðimenn eru hvattir til að sleppa stórum urriða.

Ath. Bátur er á svæðinu og skal það ítrekað að öll notkun hans er á ábyrgð veiðimanna sjálfra og eru menn beðnir um að fara gætilega við notkun hans. Þá skal það tekið fram að oft getur verið talsvert slýrek í ánni, sérstaklega síðsumars og þá verða steinar hálir og skyggni í vatninu slakt. Ástæða er til þess að biðja veiðimenn að fara varlega við slíkar aðstæður.