Blanda er ein albesta laxveiðiá landsins með sterkan stórlaxastofn. Veiðin hefst á svæði I í Blöndu í byrjun júní og er erfitt að finna laxveiðiá sem að jafnaði skilar jafn góðri veiði í júní og í byrjun júlí. Á góðum dögum í júní og byrjun júlí, landa stangirnar á svæði I oft tugum laxa yfir daginn og getur meðalviktin verið mjög góð. Dammurinn og Breiðan eru veiðistaðir sem gefa yfirleitt góða veiði allt veiðitímabilið.