Lónsá er lítil veiðiperla á Langanesi. Lónsá er í um 5 mínútna fjarlægð frá Þórshöfn og rennur áin í sjóin stutt frá bænum Ytra Lóni.

Lónsá hefur í gegnum tíðina verið þekkt fyrir góða sjóbleikju veiði en bæði sjóbirtingur og staðbundin urriði hefur aukist mikið síðustu ár.

Lónsá hentar einstaklega vel til þurrfluguveiða en einnig veiðist mjög vel á hefðbundnar straumflugur og púpur.

Á fyrri helmingi tímabilsins í apríl, maí er aðalega veiði á ósasvæðinu og í Sauðaneslóni ásamt staðbundinum urriða ofar í ánni. Í maí og júni getur verið hreint æfintýraleg veiði á bleikju og sjóbirting sem lónir á ósasvæðinu í æti og við þær aðstæður geta menn nánast verið að fá fisk í hverju kasti.

Stærstu bleikjurnar byrja einnig að ganga upp ánna í byrjun júní en frá miðjum júní og út júlí er alla jafna besti tíminn í ánni til að veiða stórar bleikjur þar til eftir miðjan júlí þegar urriða veiði fer einnig að aukast þar sem urriðar úr Sauðanes Lóni og Ytra Lóni færa sig upp ánna til hrygningar. Á haustin má einnig merkja smáar sjóbirtings og laxgöngur en haustveiðin hefur í raun og veru ekki verið nógu vel rannsökuð fram að þessu.

Þrátt fyrir litla ástundun síðustu ár hefur veiði á stöng frá landi Ytra Lóns verið í kringum 500 silungar ár hvert.
Nú er heimilt að veiða í allri ánni og er hægt að veiða lang leið upp á heiði í Lónsá, Þverá og Hólslæk en þar eru einnig tvö grunn stöðuvötn sem tengjast læknum. Það liggur vegur upp með ánni að túninu við Grund en þaðan þarf að ferðast til að veiða hana á tveimur jafnfljótum.

Í gegnum tíðina hefur verið netaveiði í Sauðanes lóni á hverju vori en henni hefur nú verið hætt og verður því eingöngu veitt á stöng á svæðinu frá sumrinu 2014.

Þetta er fallegt lítil á sem getur geymt mikið magn af fiski í ósnortinni náttúru Langanes.

Tímabil: 1 maí – 30. október

Fjöldi stanga: 4 stangir. Verð á stangardag er kr. 15.000

Agn: fluga

Daglegur veiðitími: 12 tímar, á tímabilinu 7 – 24 innan dagsins.

Veiðisvæðið: Eingöngu er veitt á flugu í Lónsá, Sauðaneslóni og Sauðanesós en leyfilegt er að veiða á spún og maðk í Bæjarvatni og Ytra Lóni.

Veiðireglur: Kvóti í Lónsá, Sauðaneslóni og Sauðanesós er 1 fiskur á dag undir 45cm á hverja stöng. Í Bæjarvatni og Ytralóni er hins vegar enginn kvóti á fiski undir 45 cm. Sleppa skal öllum fiski yfir 45cm undantekningarlaust, líka í Bæjarvatni og Ytralóni, og ef stór fiskur drepst að lokinni viðureign ber að tilkynna leigutaka eða veiðiverði strax áður en haldið er áfram að veiða.

Ekkert veiðihús er við ána en hægt er að fá gistingu á gistiheimilinu Ytra Lóni sem stendur við ána.

Ef þig vantar aðstoð við að ganga frá bókun, hafðu þá samband í síma 897 3443 eða sendu póst á info@veida.is