Svartá

Verð frá: 13.000kr

Svartá í Skagafirði er 4-6 stanga urriðáá sem „breytist“ í Húseyjarkvísl, neðan við fossinn Reykjafoss, Veiðisvæði Svartár nær frá Reykjafossi, að neðanverðu, að Ýrarfellsfossi í Svartárdal og er svæðið um 20 km langt. Sjá nánar um veiðisvæðið hérna.

Eingöngu er leyfilegt að veiða á flugu í Svartá. Góð veiði hefur verið í Svartá undangengin ár og mikið af urriða veiðist sem er á bilinu 50-60cm og nokkrir í kringum 70cm veiðast á hverju sumri. Öllum urriða skal sleppt.

Veiðisvæðið: Neðri veiðimörk eru við Reykjafoss. Reykjafoss er ófiskgengur en í Svartá, fyrir ofan foss er staðbundinn urriði og svolítið af bleikju. Veiðisvæðið er um 20 km að lengd og nær upp að Ýrarfellsfossi í Svartárdal. Upptök á áin á hálendinu sunnan Mælifelshnjúks. Fellur hún nokkuð hratt norður sveitina en á neðsta hlutanum hægist nokkuð á henni þar sem hún hlykkjast um gróið land.
Ánni er skipt í þrjú veiðisvæði. Veitt er með tveimur stöngum á neðsta svæði, sem nær frá Reykjafossi að norðan og suður að brú fyrir neðan Starrastaði, þar sem malarvegur tekur við af malbikinu. Annað svæðið er fyrir neðan brú við Starrastaði og að brú við Sölvanes sunnar í dalnum.
Þriðja svæðið er fyrir ofan brú við Sölvanes suður að Ýrarfellsfossi, sem er talsvert fyrir innan bæinn Gilhaga.  Veiðimenn skulu skipta ánni með sér, þannig að hægt sé að veiða öll svæðin á einum degi. Engar takmarkanir eru á veiðisvæðinu aðrar en að óheimilt er að veiða fyrir landi Kornár frá 1. júní til og með 10. júní.

Veiðitíminn fram til 15. ágúst er frá 7-13 og síðan frá 16-22 en eftir 15. ágúst er veitt frá 15-21 á seinni vaktinni.

Mikilvægt er að veiðimenn fari EKKI út fyrir merkta slóða og mikilvægt að öllum hliðum sé lokað, sem opnuð eru á leið um svæðið.

Veiðimenn skulu skrá veiði skilmerkilega í veiðibækur sem eru við ána, eða senda veiðiskýrslu á info@veida.is, að veiði lokinni. Veiðibækur eru að Sölvanesi og Bakkaflöt.

Seldir eru stakir dagar, einn eða fleiri í senn. Veiði hefst 1. júní og stendur fram undir miðjan september. Svartá, veiðikort._pdf.