Hvolsá og Staðarhólsá falla í einum ósi til sjávar í Saurbæ, Dalasýslu.

Hvolsá sjálf er 9 km. löng þangað sem Svínadalsá og Brekkudalsá sameinast.

Staðarhólsá er laxgeng 7,5 km að fossi hjá Kjarlaksvöllum. Norðan við ósana er varnargarður sem myndar lón sem stendur eftir þegar fjarar, en sjór fellur upp í báðar árnar.

Meðalveiði áranna 1974 til 2008 er 166 laxar og 5-600 bleikjur. Veiði síðustu árin hefur verið frá ca. 100 – 300 laxar og 300 – 500 bleikjur. Veiðin sumarið 2024 skilaði um 200 skráðum löxum og fjölda silunga.

Veitt er á samtals 4 stangir í Hvolsá og Staðarhólsá og stærsta hluta sumarsins eru þær stangir seldar saman í 1 pakka, hvert holl.

Leyfilegt agn er fluga og maðkur.

Mjög fínt veiðihús fylgir leyfunum