Skógá undir Eyjafjöllum er 4ra stanga lax og silungsveiðiá. Veiðin, árin á undan gosinu, var mjög góð og stundum hreint út sagt frábær en árin 2010-2012 var áin í lægð. 

Skógá byggir á seiðasleppingum. Að öllu jöfnu er 25-35þ seiðum sleppt.

Mest var veiðin sumarið 2008 þegar 1.537 laxar og um 500 bleikjur komu á land.

ALMENNAR UPPLÝSINGAR
Fjarðlægð: Um 150 km frá Reykjavík, ca. mitt á milli Víkur og Hvolsvallar.
Agn: Fluga og maðkur
Veiðitími: Veitt er frá morgni til kvölds, max 12 klst.
Fjöldi stanga: 4 – yfirleitt seldar saman í pakka

VEIÐIHÚS: Veiðihús verður að öllum líkindum klárt fyrir upphaf veiðitímabilsins 2023 – gisting í húsinu fylgir með leyfunum en húsgjald bætist við hvert holl, kr. 50.000. Innifalið er uppábúið og þrif.

Heimilt er að taka 2 laxa á hverja stöng, á dag. Öðrum Laxi skal sleppt aftur.

VEIÐISVÆÐIÐ: Svæðið sem veitt er á samanstendur af um 7 kílómetra kafla Skógár, 2km kafla Kvernu og 1,5 km kafla Dalsár. Svæðið er afar fjölskylduvænt og gott aðgengi er að hyljum.