Holl
Fáskúð, 2 stangir í 2 daga 8-10. júlí 2026
Hád-hád
Hollið á kr. 355.000 með uppábúnum rúmum og þrifum.
Fáskrúð í Dölum er einstaklega falleg, fjölbreytt og skemmtileg laxveiðiá í stórbrotnu umhverfi. Hún á upptök sín á Gaflfellsheiði tugi kílómetra frá sjó og fellur svo til sjávar í Hvammsfjörð um 8 km fyrir norðan Búðardal.
Veiðisvæðið er um 14 km frá Katlafossi til sjávar og þar er að finna 55 merkta veiðistaði, allt frá kröftugum strengjum í fallegar breiður. Þrátt fyrir að Fáskrúð sé á köflum í stórgrýttu gili er hún mjög aðgengileg og fær öllum fjórhjóladrifnum bifreiðum.
Eina leyfilega agnið í Fáskrúð er því fluga og skylt er að sleppa öllum löxum stærri en 69 cm. Leyfilegt er að drepa einn hæng á stöng á vakt.
Veiðihúsið við Fáskrúð er staðsett á jörðinni Ljárskógar, sem liggur að suðurbakka Fáskrúðar. Aðbúnaður í veiðihúsinu er eins og best verður á kosið með rúmum fyrir 6-7 veiðimenn, ríkulega útbúnu eldhúsi, góðri borðstofu og stofu með arni og frábæru útsýni yfir Hvammsfjörð. Rúmgóð vöðlugeymsla er í húsinu og auk þess gufubað þar sem veiðimenn geta slakað á eftir ánægjulegan veiðidag.
Veitt er frá 30. júní til 30. september ár hvert. Veiði hefst eftir hádegi á komudegi og lýkur kl. 13 á brottfarardegi.
Veitt er frá kl. 7-13 og kl. 16-22 fram til 17. ágúst. Þann 17. ágúst er seinni vaktin færð fram um klukkutíma eða frá kl. 15-21.
Veiðimenn mega koma í veiðihús klukkustund fyrir veiðitíma og skulu vera búnir að rýma hús eigi síðar en klukkustund eftir að veiðitíma lýkur.