Hvannadalsá er falleg laxveiðiá við Ísafjarðardjúp með fjölbreytt úrval veiðistaða. Hún rennur um Hvannadal og til sjávar á Langadalsströnd. Áin er um 260 km frá Reykjavik.

Hvannadalsá er ein 3ja laxveiðiáa við Ísafjarðarðardjúp og er oft kölluð perlan í Djúpinu. Hún er systurá Langadalsár, enda hafa þær sameiginlegan Ós.

Veiðisvæði Hvannadalsár er fremur stutt upp að Stekkjarfossi en áin er mun vatnsmeiri og straumþyngri en Langadalsá. Veiðisvæðið er um 7 km langt.

Veitt er á 2 stangir í Hvannadalsá, fluga er leyfilegt agn. Fram til 20. ágúst má hver stöng halda eftir einum smálaxi í holli, en frá 21. ágúst skal sleppa öllum laxi.

Sumarið 2026 þarf hvert holl að greiða kr. 40.000 í húsgjald. Innifalið eru þrif. Hægt er að fá húsið afhent með uppábúnum rúmum og þá er heildarverðið kr. 60.000.

Vinsamlega látið vita fyrirfram ef óskað er eftir uppábúnu. Ath. sér reikningur er sendur fyrir húsgjaldinu.