Laxá í Miklaholtshreppi

Laxá er nett tveggja stanga á sem á sér sameiginlegan ós við Straumfjarðará. Í hana gengur lax og töluvert af bleikju og sjóbirtingi. Áin hefur ekki verið í almennri sölu í all nokkur ár og er því gaman að gefa veiðimönnum kost á að kynna sér hana í sumar.

Veiðisvæðið í Laxá er tæplega 10 km og liggur frá Snæfellsnesvegi og niður að ármótum Straumfjarðarár. Áin er friðuð fyrir ofan veg.
 
Seldir eru stakir dagar, frá morgni til kvölds. Eingöngu er veitt í 5 daga í hverri viku. Föstudaga – Laugardaga – Sunnudaga – Þriðjudaga – Miðvikudaga

Veiðitímabilinu lýkur 7. sept.

Seldar eru 2 stangir og þær eru seldar saman í pakka. Verðið er fyrir 2 stangir.

Veiðitíminn er að miklu leyti frjáls en hámark 12 tímar á milli klukkan 7:00 og 22:00 – skylda að hvíla í 3 klst hvenær sem er innan dagsins.
 
Eingöngu fluguveiði og öllum fiski sleppt.

Ekkert veiðihús er við ána.