Alviðra – Sogið – Laxveiði

Staðsetning: Rétt vestan við Selfoss – um 50 km frá Reykjavík
Veiðisvæði: Vesturbakki Sogs fyrir landi Alviðru og austurbakki neðan brúar við Þrastalund.

Tímabil: 20. júní – 20. september
Veiðileyfi: stakir dagar.
Daglegur veiðitími: Frá kl. 7 – 13 og 16-22. Frá 10. ágúst þá er seinni vaktin frá 15-21
Fjöldi stanga: 2 stangir, seldar stakar eða saman í pakka.
Leyfilegt agn: Fluga

Veiðireglur: Athugið, eingöngu er leyfð fluguveiði. Veiðimenn eru hvattir til að sleppa öllum laxi, til að styðja við uppbyggingarstarf í Soginu, en heimilt er að taka 1 hæng undir 68 cm, kjósi menn að gera það.

Veiðihús: Gott veiðihús stendur veiðimönnum sem bóka 2 eða fleiri daga til boða en húsið stendur rétt fyrir ofan vegamót Torfastaðavegar áður en komið er að brúnni við Þrastalund. Rúmgott hús – 3 svefnherbergi – stofa – eldhús – baðherbergi. Rafmagn og heitt vatn. ATH. Húsgjald, kr. 35.000 er innheimt sérstaklega. Sængur og koddar á staðnum. Hægt er að kaupa uppábúið og þrif.
Hús fylgir ekki með stökum dögum.

Sogið er Vatnsmikil Á og eru veiðimenn hvattir til að fara með gát og nota björgunarvesti við veiðar.

Alviðra er uppáhald margra þeirra sem veiða reglulega í Soginu – svæðið er ægifagurt og þekkt fyrir stórlaxa sem hafa veiðst hafa í gegnum tíðina. Svæðið geymir þekkta veiðistaði eins og Kúagil og Ölduna.