-
Sumarkort í Hópið 2025 Leyfilegt agn: Maðkur, fluga, og spónn. Veiðitími: 7-24 Hóp liggur á mörkum Vestur- og Austur Húnavatnssýslna skammt norðan þjóðvegar nr.1 í Víðidal. Hópið er fimmta stærsta náttúrulega vatn landsins og gætir þar flóðs og fjöru, misjafnt þó. Á mikilli fjöru stendur Þingeyrarif vel upp úr og skiptir vatninu nánast í tvennt þó alltaf skorti eitthvað upp á að það nái vesturbakkanum, en endi rifsins er nokkuð til marks um veiðilega staði norður með vesturbakkanum. Til að komast að vatninu vestanverðu er um tvær leiðir út frá Hringveginum að ræða. Vegur 711 (Vatnsnesvegur) liggur nokkru sunnan við Víðigerði og út frá honum er hægt að fara 717 sem liggur á milli Vesturhópsvatns og Sigríðastaðavatns að Skollanesi. Út af þeim vegi er hægt að taka veg merktan Ásbjarnarnes og í framhaldi heldur torfæra leið upp á Bjargás og út með Nesbjörgum að vestan. Undir Nesbjörgum er fjöldi þekktra veiðistaða, svo sem við Bryggjuna og Vaðhvamm. Undir Myrkurbjörgum eru fjöldi álitlegra staða og fremst á ásnum eru Skipeyri og Bjargatá sem gefið hafa vel. Út frá Bjargatá eru veiðimenn komnir langleiðina að ós Hópsins. Þessir veiðistaðir eiga það sammerkt að niður að þeim flestum er nokkuð bratt en á flestum stöðum má auðveldlega ganga milli vatns og hlíðar. Meðfram vesturbakkanum liggur aðalfarvegur vatnsins til sjávar og er þar yfirleitt sterkur straumur skammt frá landi. Víðsvegar eru nokkrir sandflákar við vesturbakka vatnsins og sumir hverjir ná töluvert langt út en ekki er víst að þeir séu fastari fyrir en svo að þeir getir ekki færst til á milli ára eða jafnvel missera. Að vestur bakka vatnsins er einnig hægt að komast með því að aka veg 716 (Borgarvirki) út frá Hringveginum skammt norðan Víðigerðis. Gæta þarf þess að beygja út af 716 þar sem hann greinist og liggur 717 til hægri (norðurs) meðfram Vesturhópsvatni en 716 liggur til vinstri sunnan Vesturhópsvatns og áfram yfir á 711. Vegur 717 liggur meðfram Borgarvirki og sé maður ekki undir tímapressu er tilvalið að staldra þar við og njóta staðhátta og útsýnis áður en haldið er áfram að Skollanesi (Gottorp) eða Ásbjarnarnesi. Nokkrir þekktir veiðistaðir eru við Ásbjarnarnes og þá helst norðan þess og austan. Vestan við Ásbjarnarnes liggur Nesvík sem er afar grunn og ná grynningar mjög langt út í vatnið til norðurs. Frá Ásbjarnarnesi og inn að Skollanesi er fjöldi veiðistaða, sem og á Skollanesinu sjálfu. Við Borgarey rennur Víðidalsá í Hópið og lítið er skráð af veiðistöðum þar, enda veiði ekki heimil við ósa Víðidalsár. Þegar nær Nesi dregur fyrir austan Víðidalsá þekkjast aftur nokkrir veiðistaðir auk þess sem vinsælt er að egna fyrir fisk austan ósa Gljúfurár á Nesi. Ekki eru margir þekktir veiðistaðir við austanvert Hóp, helst undan bæjunum Haga og Leysingjastöðum. Í Hópinu eru allir þekktir laxfiskar á Íslandi. Um vatnið fara laxar á leið sinni í Víðidalsá og Gljúfurá, þar er töluvert af staðbundum urriða, en ekki síður sjóbirtingur sem getur orðið mjög vænn. Bleikja er töluverð í vatninu og þá ekki síst sjóbleikja sem skv. rannsóknum líður svo vel í Hópinu að einungis þriðjungur hennar gengur alveg til sjávar, helst vill hún bara halda sig í vatninu og út að ósi. (efni af vef www.fos.is) Verð veiðileyfa fyrir sumarið 2025 er kr. 5.900 - Einnig er hægt að kaupa sumarkort á kr. 19.900 -
Kortið gildir innan veiðitímabilsins 2025, frá 20. apríl og fram til 20. sept. Einungis sá sem kaupir kortið, má nýta það – ekki er hægt að framselja án þess að láta veiða.is vita af framsalinu. Leyfilegt agn: Maðkur, fluga, og spónn. Veiðitími: 24/7 Veiðikort allt svæðið (1) – Veiðikort Skorradalsvatn vestur – Veiðikort Skorradalsvatn austur (1) Veiðisvæðið: Óheimilt er að veiða á eftirtöldum svæðum: ( veiði er leyfð annarsstaðar í vatninu).- Allt land jarðarinnar Vatnsenda. Frá landamerkjum Vatnsenda og Grundar lækur sem liggur í skurði út í vatn fyrir neðan brekku á veginum.
- Fyrir landi Haga í Skorradal – frá girðingu neðan við sumarhúsabyggð á Stóru-Drageyri ( vegurinn fer í gegnum girðinguna) að læk austan við sumarhús Landspítalans þar er skilti markar mörk friðlands í Vatnshornskógi.
- Fyrir neðan sumarhúsabyggðina í Hvammi að Athafnasvæði Skógræktarinnar.
- Fyrir neðan sumarhúsabyggðina í Dagverðarnesi inn fyrir innsta bústaðinn.
- Allt Fitjalandið frá girðingu á milli Háafells og Fitja, er utan veiðisvæðis auk Fitjaár sem er friðuð til hrigningar fyrir Urriðann.
- Allt land Litlu- Drageyrar frá ósum lítillar ár sem að skilur jarðirnar Litlu- Drageyri og Stóru-Drageyri.
- Allt land Þrætueyrar að undan eru utan veiðisvæðis. Að sumarhúsabyggð á Indriðastöðum.
- Þessi svæði sem eru undanskilin veiði eru merkt með rauðu á veiðikorti.
-
Verð fyrir 2 stangir í heilan dag. Ath. Greitt er fyrir 2 stangir, en veiða má á 3 stangir. Stangardagurinn á kr. 13.500
Veiðileyfi í Sog Bíldsfell silungsveiði að vori
Veiðitímabilið er 1. maí til 10. júní Seldir eru stakir dagar, frá morgni til kvölds. Greitt er fyrir 2 stangir, en veiða má á 3 stangir Veiðitími: Veidd er ein samfelld vakt frá klukkan 8-20 án hlés. Leyfilegt agn: Fluga eingöngu Veiðireglur: Veiða og sleppa eingöngu, bæði á silungi og laxi. Veiðisvæðið: Veiðisvæði Bíldsfells og Torfastaða liggja saman á Vesturbakka árinnar. Veiða má frá veiðimörkum við útfallið úr virkjunni, að ofanverðu og niður Torfastaðasvæðið. ATH. Öll veiði á Bíldsfellsbreiðunni og Görðunum er undanskilin í vorveiðinni - veiða má frá Bakka á þessu svæðum, en ALLS EKKI VAÐA ÚT Á BREIÐUNA - hún er eitt aðal hrigningarsvæði laxins í Soginu ´ Veiðihús: Þegar stakir dagar eru seldir, þá fylgir ekkert hús. Hægt er að bóka húsið í Alviðru - hafið samband Veiðin: Bíldsfellssvæðið geymir mikið af bleikju sem oft er mjög væn. Einnig má vænta þess að hitta á sjóbirting og staðbundinn urriða á svæðinu. -
Hvítá í Árnessýslu er vanmetin veiðiá en um hana fer gríðarlegur fjöldi fiska ár hvert, bæði lax, sjóbirtingur og bleikja. Hvítá er með sjálfstæðan sterkan laxastofn, en einnig fer um ána lax sem er á leið uppí aðrar ár sem eru hluti af vatnakerfinu – ár eins og Tungufljót, Stóru Laxá, Brúará og Dalsá. Margir þekktir laxveiðistaðir eru í Hvítá og einnig aðrir minna þekktir, en ekki síður góðir. Skálholtssvæðið í Hvítá er steinsnar fyrir neðan Hvítárbrú við Iðu. Svæðið kom fyrst í almenna sölu 2020 á vegum Skálholtsstaðar en hefur verið í útleigu ábúenda í áratugi. Margir fallegir veiðistaðir eru á þessu svæði og sumir þekktir frá fyrri öldum. Svæðið í landi Skálholts nær frá ósi Undapolls við svokallað Torfholt, sem er nokkru neðan við Hvítárbrú við Laugarás, og niður alla Skálholtstungu, um 4-5 km niður að ármótum við Brúará. Veitt er með 2 stöngum á þessu svæði og eru þær stangir seldar saman í pakka – stakir dagar, veitt frá morgni til kvölds með hefðbundinni hvíld um miðjan dag. Í Skálholtsbúðum er hægt að leigja sumarhús með heitum pottum og heima í Skálholtsskóla er gisting og veitingastaður sem er opinn yfir daginn og eftir pöntun. Nokkir fallegir og álitlegir veiðistaðir eru á svæðinu en á meðan byggð er upp veiðireynsla og skráning í veiðidagbók er verði veiðileyfa haldið í lágmarki. Stangardagurinn í sumar er frá kr. 14.900 – 18.900. Einnig er boðið uppá vorveiði, fram til 9. júní. Stangardagurinn á þeim tíma er á kr. 7.500 og er óbreytt síðustu 3 vor. Aðgengi að veiðistöðum hefur verið bætt á síðasta ári en nauðsynlegt er að vera á jeppa eða jepplingi til að geta ekið að ánni. Allur ágóði af veiði rennur til uppbyggingar og merkinga vegaslóða og veiðistaða og til uppbyggingar í Skálholti. Leiðarlýsing: Ekið er af Skálholtsvegi (31) að Skálholti en þaðan til hægri inná veg sem merktur er Skálholtsbúðir. Farið er beinan veg í suður um hlið ofan við Búðirnar og ekið þaðan eftir vegaslóða, Skólavegi, til að komast í Skálholtstunguna. Við hliðið á Skólavegi er póstkassi með veiðidagbókum og veiðikorti af svæði Hvítár og Brúarár í Skálholti. Skólavegur er ekinn suður og farið til hægri í átt að Þorlákshver við Brúará. Skömmu áður en komið er niður að Hitaveitu Skálholts í Þorlákshver (lítill kofi) er ekinn vegaslóði til vinstri, merktur Skálholtstunga, niður fyrir Bolhaus. Þaðan liggur leiðin yfir grunnt lækjarvað og þaðr strax í austur þvert yfir Tunguna. Nær Hvítá skiptist vegaslóðinn. Til að komast á þekktasta veiðisvæðið er farið til vinstri og lítillega upp með árkambinum og þaðan niður á eyrar Hvítár. Hvítá við Skálholtð er við akstri um eyrarnar enda víða aurbleyta. Þar uppaf er veiðistaðurinn Stekkatún og þar má finna volgar uppstrettur í árborðinu. Í Stekkatúnsholtinu eru minjar um búsetu og hefur áin verið nýtt af búendum í Stekkatúni um aldir bæði til uppskipunar og veiða. Það á einnig við um svokallað Torfholt sem er þar ofar í 15 – 20 mín göngufæri. Þar í Torfholti eru minjar um forna veiðistöð Skálholts samkvæmt nýlegri skýrslu um fornminjar í þessum helga og sögufræga höfuðstað Íslands um aldir. Ef ekki er farið að Stekkatúni liggur gróinn vegaslóði suður alla Tunguna um 4 km leið allt suður á Músanesi. Hægt er að ganga að ánni hvar sem er á leiðinni og alveg að ármótum Brúarár en svæði Skálholts nær þó ekki um sjálf ármótin eða við hólma sem er þar, Hjarðarneshólma. Veiðimönnum er ráðið frá því að aka af vegaslóðanum niður á eyrarnar en Hvítáreyrar geta víða verið blautar og Hvítá við Skálholtsamar fyrir ökutæki enda flæða þær oftar en bara á vorin. Vinsamlegast kynnið ykkur kort af svæðinu hér (og hafa link á kortið). Hægt er að hringja í sr. Kristján Björnsson í síma 856 1592 um leiðsögn. Tekið er á móti pöntunum í gistingu og veitingar í Skálholti á netfangið [email protected] Veiðitímabil: Vorveiði frá 1. apríl - 10. júní. Laxatími frá 20. júní – 24. september Leyfilegt agn: Fluga, maðkur og spúnn Fjöldi stanga: 2 stangir, seldar saman. Verðið að neðan er fyrir 2 stangir. Aðgengi: Gott aðgengi, en nauðsynlegt er að vera á Jeppa eða Jepplingi til að komast að eða nálægt ánni. Snemma á vorin getur hinsvegar verið of blautt og þá þarf að nota 2 jafn fljóta til að komast að ánni. Hér er kort af svæðinu: Veiðikort Hvítá og Brúará nýtt
