Jæja, þá er mesti hrollurinn komin úr veiðimönnum. Opnunarhollin að öllu jöfnu komin heim aftur, flestir með töskurnar fullar af flottum minningum. Veðrið var víðast hvar eins og það gerist best og veiðin eftir því. Hér að neðan ætlum við að stikkla á stóru í fréttum af hinum ýmsu veiðisvæðum.

Við sögðum í gær frá opnun Brúarár í Bláskógabyggð fyrir landi Spóastaða. Þegar við vorum á ferðinni í gær um hádegisbil voru um 20 bleikjur og einn sjóbirtingur kominn á land. Veðrið var með eindæmum gott í gær, hlýtt og stillt veður framan af degi. Lokatalan í gær var 25 bleikjur og einn birtingur.

Litlaá í Kelduhverfi er bergvatnsá, sem upprunalega átti sér eingöngu upptök í lindum sem heita Brunnar við bæinn Keldunes. Vatnið úr Brunnum er óvenju heitt og blandast kaldara vatni úr Skjálftavatni, þannig er meðalhiti vatnsins í ánni um 12°C. Vaxtahraði fiska í Litluá er mikill undir þessum kringumstæðum og er sjóbirtingsstofn árinnar því einn sá

Tungufljót í Skaftártungu er í hópi eftirsóttustu sjóbirtingssvæða landsins. Árlega veiðast rígvænir sjóbirtingar í Tungufljóti, sem oft eru um eða yfir 15 pund. Mikið er sótt í fyrstu vor hollin í Tungufljótinu enda bregst það varla að á land komi fjölmörg tröll. Dagurinn í dag er þar engin undantekning.

Veiðivertíðin hófst í dag eins og allir veiðimenn vita. Við munum hingað týna saman nokkrar fréttir frá hinum ýmsu veiðisvæðum, bæði þeim sem hér er að finna, inni á veiða.is, en einnig öðrum.

Veiðitímabilið 2013 tók brosandi á mót þeim veiðimönnum sem tóku daginn snemma í morgun hér á suðurlandi. Allar stangir voru seldar í Brúará fyrir landi Spóastaða þó svo að þær væru ekki fullmannaðar þegar veiða.is kíkti við í dag. Við veiðar í ánni var m.a. Vignir Arnarson sem hefur mikla reynslu af veiði í Brúará.

Nú er biðin á enda – nýtt veiðitímabil er hafið. Mörg vatnasvæði opna nú í dag og taka á móti veiðimönnum. Auðvitað spilar tíðarfarið mikið inni þá ástundun sem veiðimenn munu leggja í veiðina á næstu vikum. Veðrið í dag, sérstaklega á suður og vesturlandi er með besta móti miðað við árstíma og er ljóst

Þó það sé að sjálfsögðu ekki algilt, þá reyna fluguhnýtarar mjög oft að líkja eftir einhverjum lífverum úr lífríki fiska, þegar nýjar flugur eru hnýttar. Til þess að verða sér úti um þá vitneskju sem til þarf, þá þarf oft að velta upp steinum, opna maga á fiskum eða taka sýni úr yfirborði vatnsins. Myndin

Brúará er næst stærsta Lindá Íslands. Hún rennur um Mörk Biskupstungna og Grímsness. Upptök hennar eru í Laugardalsfjöllum, Úthlíðarhrauni og á hálendinu þar fyrir innan. Brúará dregur nafn sitt af steinboga sem lá yfir hana á öldum áður. Sagnir segja að vinnumaður í Skálholti hafi brotið bogann niður svo umrenningar ættu ekki eins auðvelda leið

Ársfundur Veiðimálastofnunar var í dag. Vefstjóri veiða.is átti þess ekki kost að kíkja á fundinn, þó hann glaður hefði viljað. Dagskrá fundarins var forvitnileg, ekki síst það erindi sem norskur vísindamaður, Jens Christian Holt, hélt. Ef við lítum yfir fréttir af þessum fundi, m.a. inná Vötn og Veiði, þá kemur ýmislegt áhugavert í ljós.