Leirá í Leirársveit

Veiðitölur: Síðustu ár hafa 50-60 laxar veiðst á sumri og sambærilegt af birtingi.

Veiðihús: Gisting í fínu veiðihúsi fylgir leyfunum.

Leirá er í Leirársveit, skammt frá Laxá sem er kannski þekktari áin í sveitinni. Áin, sem er lax og sjóbirtingsá er frekar nett veiðiá en til að ná góðum árangri í henni er mikilvægt að fara varlega um bakka hennar og nota nettar græjur. Fín sjóbirtingsveiði er oft á vorin og í maí og júní veiðist oft bleikja í ósnum.

Góð aðkoma er að ánni, sérstaklega neðri hluta hennar.