158 dagar í næstu veiðivertíð – bókanir hafnar

Jæja, þá er veiðivertíðinni 2014 formlega lokið og niðurtalning fyrir vertíðina 2015 hafin. Að venju þá leggjast margir veiðimenn í smá dvala núna sem þeir vakna úr, um og uppúr áramótum. Svona fyrir okkur hina sem dveljum allt árið með hugann við veiðina, þá eru einungis 158 dagar í 1. apríl, formlega opnun næstu vertíðar. Vertíðin sem var að ljúka var um margt sérstök; silungsveiðin í apríl og maí var stundum alveg mögnuð, laxveiðin víða vonbrigði og haustveiðin hvorki né þó nokkrar ár hafi átt fína spretti.

Þessi laxveiðivertíð skilaði um 32.500 löxum. Ytri Rangá var með 3.063 af þessum löxum eða um 9,5% af heildarveiðinni á Íslandi. Í 7 aflahæstu ánum veiddust um 12.400 laxar eða um 38% af heildarveiði sumarsins. Hægt er að sjá veiðitölur fyrir margar af helstu laxveiðiám landsins í töflunni hér að neðan.

Fyrir þá sem eru farnir að huga að næstu veiðivertíð, þá eru fyrstu sjóbirtingsleyfin komin inná veiða.is og næstu dögum og vikum mun þeim fjölga. Fyrir þá sem vilja aðstoð við að leita af leyfum eða tillögur, hvort sem er fyrir einstaka veiðimenn eða stærri hópa, þá má senda póst á [email protected]

[email protected]