Veiðifélagið Kolka óskaði í byrjun Febrúar eftir tilboðum í veiðirétt Hjaltadals- og Kolbeinsdalsá fyrir veiðitímabilin 2018-2020. Ágætt veiðihús er á svæðinu. Skilafrestur á tilboðum var 15. febrúar og voru tilboðin opnuð þann 20. febrúar.
Fjögur tilboð bárust og hljóðuðu 2 þeirra uppá lítillega hærri leiguupphæð heldur en síðasti samningur hljóðaði uppá. Skammur tími er til stefnu, þar til næsta veiðitímabil hefst og hefur það efalaust haft áhrif í útboðinu. Veiðifélagið mun í þessari viku taka ákvörðun um það, við hvern verður samið.
Í heild voru 190 bleikjur færðar til bókar á veiðisvæðinu sumarið 2016 og samtals 20 laxar. Flestir hafa laxarnir sem veiðst hafa á svæðinu á þessari öld verið 75 talsins, en það var árið 2010.
