Nýjar laxveiðitölur – Norðurá af toppnum

Nú eru nýjar laxveiðitölur að skríða inná angling.is og er þær ár sem verma efstu sætin búnar að skila inn tölum. Norðurá fellur af toppnum niður í það þriðja, eins og við var að búast. Ytri og Eystri Rangá halda sínu striki  og eru komnar á toppinn, en vikuveiðin þar var 605 og 504 laxar. Heyrst hefur að veiðin hefði getað verið miklu meiri í þeim ám, ef ástundun hefði verið meiri. Það eru fleiri ár en Rangárnar sem eru að skila flottri veiði. Selá, Haffjarðará, Miðfjarðará og Þverá/Kjarrá skiluðu allar yfir 200 löxum í síðustu viku. Einn veiðimaður sem var að koma úr Kjarrá sagði að áin væri bólgin af fiski. Svipaða sögu er hægt að segja víða. Nú er um að gera fyrir veiðimenn að nýta síðustu daga sumars vel, skella sér í veiði og búa til nokkrar minningar til að orna sér við í vetur. Hér að neðan eru tölurnar. Heimild: angling.is

[email protected]