Veiðitímabilið hefst 1. apríl. Þá má byrja að veiða á völdum svæðum um mest allt land. Hérna inni á veiða.is eru allmörg svæði sem „opna“ 1. apríl. Við finnum það að vorið er að reyna að ryðja sér til rúms – ýta vetrinum til hliðar og líkur eru á að við fáum smá hitatölur yfir núllinu á fyrsta veiðideginum. Páskarnir eru svo framundan og ljóst að all margir veiðimenn hugsa sér þá til heyfings.
Brúará – Bæði Spóastaðasvæðið og Skálholtssvæðið opna 1. apríl. Bæði svæðin eru uppbókuð fyrstu 2-3 daga tímabilsins en laust er um páskana.
Hvítá við Skálholt – Veiðin hefst í Hvítá 1. apríl. Síðustu vor hafa komið ævintýralega góðir dagar í Hvítá þar sem veiðimenn hafa bæði verið að setja í birtinga, laxa og urriða.
Hólaá, Útey – Hólaá og veiðin í Laugarvatni hefst 1. apríl. Þetta svæði eru hörku vorveiðisvæði. Aðallega veiðist urriði en einnig hefur bleikja og birtingur veiðst síðustu vor.
Hraun í Ölfusi – Veiði hefst á Hrauninu 1. apríl. Veiðin var mjög góð síðasta vor og sumar á Hrauninu. Við vonumst eftir öðru góðu tímabili.
Galtalækur – Veiðin hefst í Galtalæk 1. apríl. Ef sólin lætur sjá sig, má reikna með að einn eða fleiri af þeim stóru, láti glepjsat af flugum veiðimanna.
Sog, Torfastaðir – Veiðin hefst í Soginu 1. apríl. Veiðimenn geta átt von á því að hitta á bæði birting og bleikju í apríl.
Seinna í Apríl hefst svo veiðin í Hópinu, Skorradalsvatni og Fossá.
