Galtalækur er góð 2ja stanga urriðaá (lækur) sem rennur saman við Ytri Rangá vel fyrir ofan laxasvæði Ytri. Oft veiðist mjög vel í Galtalæk en veiðisvæðið er viðkvæmt og því mikilvægt að nálgast það með gætni.

Í Galtalæk má finna mjög stóra urriða og einnig að sjálfsögðu marga smærri. Einungis má veiða á flugu og skal öllum urriða sleppt aftur.

Fluga er eina leyfilega agnið.

Við fengum skýrslur frá veiðimönnum sem kíkt hafa í lækinn síðustu daga – veiðin er að byrja að taka við sér. Veiðimenn sem voru við lækinn á föstudaginn lönduðu 3 urriðum – sá stærsti um 60cm langar. Annar veiðimaður sem kíkti í lækinn fyrir nokkrum dögum fann fisk á 6 veiðistöðum – þar á meðal eina stóra bleikju sem var neðarlega á svæðinu.

í sumar, eins og í fyrra, söfnum við veiðitölum saman inná hafogvatn.is – við hvetjum alla til að skila tölum eins fljótt og auðið er.

Myndin hér meðfylgjandi er af einum fiskum sem kom á land á föstudaginn.