Móra á Barðaströnd er lax-og silungsveiðiá á sunnanverðum Vestfjörðum skammt frá Vatnsfirði og Brjánslæk, þar sem breiðafjarðarferjan Baldur er með landfestar. Um er að ræða tveggja stanga á og eru báðar stangirnar seldar saman.
Móra rennur um Mórudal og býr yfir fjölbreyttum veiðistöðum; strengjum og hyljum. Veiðisvæðið er um 6 kílómetrar og er efsta svæðið friðað og að auki er áin hvíld á milli allra holla. Hægt er að komast á fólksbíl að flestum stöðum á neðri hluta hennar, en efri hlutinn er eingöngu fær hærri bílum.
Leyfilegt agn: Fluga. Fram til 20. ágúst má hver stöng halda eftir einum smálaxi í holli, veiddum löxum umfram það skal sleppt. Eins skal sleppa öllum laxi sem er yfir 70 cm að stærð. Hins vegar er heimilt að landa öllum sjóbirtingi.
