Nú höfum við aftur tekið í sölu veiðileyfi í Litlu Þverá í Borgarfirði – Litla-þverá var seld sumarið 2013 í fyrsta sinn sem sér veiðisvæði. Þar sem um fyrsta ár í sérsölu var að ræða, þá var áin veidd í aðeins 45 daga á 2 stangir. Það sumar var veiðin 132 laxar og gekk veiði því vonum framar þetta fyrsta ár. Ekkert var sérstaklega selt í ána sumarið 2017 en árin 2014-2016 var lítilega veitt í ánni. Á þurrum sumrum getur áin orðið lítil en veiðitímabilið 2018 verður fyrst og fremst veitt að hausti til, þegar vatnsbúskapur á að vera hvað bestur. Veiðitímabilið er frá  25. ágúst til 20. september. Seldir eru heilir, stakir dagar. Ekkert veiðihús er við ána. Verði er stillt í hóf.

Hérna má sjá lausa daga og verð veiðileyfa í Litlu-Þverá.