Ytri Rangá er sannarlega ein albesta laxveiðiá landsins. Á síðasta veiðitímabili var Ytri aflahæst allra laxveiðiá hér á landi og svo hefur verið oft á síðustu 10 árum. Við vorum með veiðileyfi í Ytri Rangá í sölu hér á veiða.is á síðasta ári og nú eru veiðileyfin fyrir komandi veiðitímabil komin inná veiða.is. Veiðitímabilið hefst 26. júní nú í ár og lýkur því þann 20. október. Frá og með 6. júlí og fram til 20. sept er skyldugisting í veiðihúsinu en þess má geta að nú er að rísa ný svefnálma sem er viðbót við glæsilegt veiðihúsið við Ytri Rangá. Hér má sjá þá daga sem komnir eru inná veiða.is.
