Veiðin í Gufuá hófst fyrir rúmri viku síðan. Strax þá var vart við lax í ánni. Best er veiðin og mest er af fiski neðst í ánni, eins og alltaf er á þessum tíma árs. Vart var við sel í ánni fljótlega eftir opnun, en hann er ekki vandamál lengur. Veiðimaður sem var í ánni í gær, 30/6, sagði að staður nr 1 og núllið, eins og það svæði er kallað, sé pakkað af laxi. Einnig höfum við heyrt að veiðimenn hafa verið í laxi á veiðistað nr 6. Við minnum veiðimenn á að skrá allan afla í veiðibókina. Heildarveiði er líklega núna komin í um 15 laxa.
Eitthvað er um lausa daga í júlí – þá daga má sjá hérna.
Mynd: Gylfi Jón Gylfason með góðan morgunafla úr Gufuá. Myndin er frá 2015
