//Miðfjarðará, silungasvæði – veiðileyfin eru komin á veiða.is
  • Fremri Laxá

Miðfjarðará, silungasvæði – veiðileyfin eru komin á veiða.is

Silungsvæði Miðfjarðarár kom fyrst í sölu hér á veiða.is, síðasta vor. Svæðið var svo gott sem uppselt, enda svæðið eitt fárra veiðisvæða þar sem enn má nota annað agn en flugu. Veiðin var fín í sumar en margir sem heimsóttu svæðið voru að læra á það, höfðu aldrei Veitt þar áður. Veiðin á ósasvæðinu var líklega best, en þó voru nokkrir staðir uppí á sem gáfu vel.

Nú eru leyfin á Silungasvæðið fyrir 2019 komin hér á vefinn. Fyrirkomulagið er svipað og áður. Verðið er 40-50.000 fyrir pakkan á dag.

Silungasvæði Miðfjarðarár er 3 km langt veiðisvæði sem nær frá veiðistað 117 Tjarnarhyl og niður að ósi Miðfjarðarár.
Veitt er með 3 dagsstöngum á svæðinu og eru þær seldar saman. Veitt er frá morgni til kvölds og er veiðimönnum heimilt að koma í veiðihúsið eftir kl 22:00 kvöldið fyrir veiði
Ágætt veiðihús fylgir svæðinu með svefnaðstöðu fyrir 6 manns. Góð sturtuaðstaða er í húsinu
Veiðimenn þurfa að hafa með sér sængur/svefnpoka, borðtuskur, handklæði.
Allur helsti útbúnaður er til staðar til eldunnar einnig er grill við húsið
Veiðimenn er hvattir til að ganga vel um veiðihúsið og þrífa vel við brottför og taka með sér allt rusl.
Veiðihúsið er staðsett neðan við veginn rétt áður en ekið er yfir brúnna yfir Vesturá.
Leyfilegt agn er fluga, maðkur og spónn. Sleppiskylda er á laxi, 70 cm og stærri.

2018-12-21T19:49:57+00:0021. desember 2018|Fréttir|