Tekist hefur samkomulag um fækkun neta í Ölfusá og Hvítá á komandi veiðitímabili. Mun fleiri laxar munu því eiga þess kost að synda uppí vatnakerfi Sogsins og Hvítár, uppá sínar hrygningastöðvar. Talið er að sá fjöldi geti numið allt að 500 löxum á sumri. Eftirfarandi tilkynning var send út af NASF:
„NASF á Íslandi (North Atlantic Salmon Fund), náttúruverndarsamtök sem hafa vernd norðuratlantshafslaxins að meginmarkmiði, hafa komist að samkomulagi við hluta landeiganda á vatnasvæði Hvítár og Ölfusár um að laxanet þeirra verði ekki sett niður næstu 10 ár, til 2031. Samkomulagið felur í sér að NASF á Íslandi greiðir umræddum landeigendum á svæðinu fyrir að veiða ekki lax með netum.“
Elvar Örn Friðriksson, framkvæmdastjóri NASF á Íslandi:
„Það er ánægjulegt að hafa náð samkomulagi við hluta landeiganda á svæðum Hvítár og Ölfusár en saman deilum við þeirri sýn vilja að sjá stofn atlantshafslaxinn vaxa enn frekar. Netaveiðar hafa verið stundaðar bæði sem afþreying og til tekjulindar um árabil og við berum virðingu fyrir þeirri hefð sem hefur skapast á svæðinu. Það er ekki og hefur aldrei verið markmið samtakanna að banna eða koma í veg fyrir veiðar, heldur höfum við kosið að vinna með landeigendum og bændum í þeim tilgangi að vernda stofninn. Við vonum að fleiri landeigendur á svæðinu nái samkomulagi við okkur í framtíðinni.“
Þess má geta að hérna á Veiða.is má finna veiðileyfí nokkur af veiðisvæðinum í Soginu og Hvítá. Ljóst má vera að veiðimenn munu án efa njóta þess að þetta skref hafi verið tekið þeirri vegferð að stórfækka netaveiðum á vatnasvæðinu, með það að markmiði að vernda laxastofninn á svæðinu.
Hérna má finna veiðileyfi á Bíldfellssvæðið í Soginu
Hérna má finna leyfi á Skálholtssvæðið í Hvítá